منتديات عامه>>> سياسيه..علميه...العاب..اخرى...أهلا بك يا زائر فى منتديات زعومي,,


    هذي نكات عجيب!!!!!!!!!!!!!!!!!!

    شاطر

    بطل العراق
    زعيم مبتدىء
    زعيم مبتدىء

    عدد الرسائل : 28
    العمر : 26
    المزاج : مشوش
    تاريخ التسجيل : 12/09/2008

    هذي نكات عجيب!!!!!!!!!!!!!!!!!!

    مُساهمة من طرف بطل العراق في الأربعاء سبتمبر 17, 2008 6:58 pm

    [size=24]لا تنسون الردود ها
    101) واحد أخذه ابوه لفاتحه حته يعلمه الأصول.. سأل أبو الميت شلون مات؟؟ گال دعمته سياره؟؟ گلله: شجابه عالسياره؟ شجابه عليهه؟؟ وره فتره راح بوحده لفاتحه. سأل شلون مات گالوله موت الله.. كال شجابه على الله شجابه عليه؟

    102) كردي شغلوه بمخابرات علاوي.. دزوه للنجف گالوله أرصدلنا تحركات جماعة الصدر...راح للگراج وره شويه دزلهم إشارة: تره دفعوا الكروه گبل جماعة الحوض الوره.
    103) أمريكي صار وية جيش المهدي... كتب عالمدرعه مالته (ياهمر بني هاشم).
    107) الرئيس القائد الفلته.. مرة جمع القيادة.. گللهم: راح نسوي إنتخابات ، بس اللي يرشح نفسه لازم إسمه يبدأ بحرف صاد وينتهي بحرف ميم... گام عزت گال: آني سيدي.. گلله:شلون ولك إنته؟ گلله: سيدي مو إنته مرة من ردت احچي بالإجتماع گتلي: إنچب صرم.
    108) دليمي راكب بهليكوبتر... گال للكابتن: بروح أبوك ماتطفينه المروحه الفوك.. تراهه بردت شويه.
    109) كردي سمع إنه أهل الفلوجه مسويلهم چم عمليه.. گال: شنو يعني؟؟ صباح اللبنانيه وحدهه مسويه عمليات أكثر منهم.
    110) واحد راح يشتري دوه لأبوه من الصيدلية، رجع لگاه ميت، گال: شوف السخيف.
    111) بدوي بأمريكا شاف بعير گال: يمه شنو هالوحش !! التفت له البعير وگلله: علينا يا گطران؟
    112) دليمي هوه ومرته إجه يمهم صاروخ، صاح بمرته: إنبطحي ولچ!! گالتله: هوه هسه وكتهه؟
    113) لبناني تعرف على وحده صينيه، گاللها: شو إسمك؟؟ گالت: مي ـ شان ـ شو.. گال: ميشان نتعرف.
    114) حرامي كمشته وحده سمينه حيل، نامت عليه وگلت لزوجهه: بسرعه .. خابر الشرطه .. گاللها زوجها: هوه شگد الرقم؟؟ گلله الحرامي: 111 بسرعه يمعود.
    115) ابو بريص سكران يگل لصاحبه: والله لوما الشرب والنسوان جان هسة اني باقي تمساح.
    119) سألوا دليمي: انته اتدخن ؟؟؟ گلهم: والله من امشي ما اباوع ورايه.
    120) كردي لگه كنز.. گال: بقت بس الخريطه.
    121) محشش خابر الشرطة، گاللهم: انباك الدشبول والستيرن مال سيارتي.. وره شويه خابرهم گاللهم: العفو شباب سامحوني ... جنت گاعد بالمقعد الخلفي.
    122) كردي سمع انه الجزر يقوي النظر.. راح اشتره گونية جزر وگعد يباوع عليهه.
    123) واحد گال للبگال: عندك سكر؟؟ گال: نعم.. گال: الحگ ..الصليب الاحمر جايبيلكم خوش ادويه.
    124) محشش فتح الثلاجه شاف الجلي يرجف گلله: لا تخاف ما آكلك.. جيت اشرب مي بس.
    125) مصري اشتغل حمله دار .. گال للحجاج: إزا شديتوا حيلكو معايه نرگع أبل العيد بإزن الله.
    126) مصلاوي مات ابوه... گلله المغسلچي انطيني 10000 دينار مال الغسل. گال: إشدعوه؟؟ قابل مغسل بي أم ؟
    127) واحد توّه گايم يصلي، راح للحسينية گاموا يتفيكون براسه واحد يگلله دنّي تربتك عليمنه واحد يگلله شويه عاليسره الى ان طگت روحه.. گاللهم: اگلكم.. تره هسه أبطل .. هيه صلاة لو ضربة جزاء؟
    128) أكو فد گمل وگملايه ستوهم متزوجين گاللهه: وين تحبين تگضين شهر العسل؟؟ گالتله: يمدحون بشعر هيفاء وهبي.
    129) وحده تگل لزوجها: جيراننا كل ما يطلع يبوس مرته، ليش ما تسوي مثله؟ گللهه: تعتقديهه توافق؟؟
    130) مصلاوي واگف بالبلكونة... إبنه إجه من بعيد يصيح: بابا بابا بابا بابا... گاله: ولك .. ابن الكلب.. بابا وحده كافي.
    131) مصلاوي مات... لگوا بوصيته مكتوب ( آني غاسل.. لا تغسّلوني ).
    _
    132) تلاثه من الناصريه رادوا يبوگون بنگ، فقسموهه بيناتهم: واحد يبوك و واحد يراقب ........ وواحد يروح يبلغ الشرطة.
    1__3) تاجر مخدرات كردي كتب على باب الگهوه مالته : يوجد لدينا طحين نقي جدا (من اللي بخبركم).
    134) شيخ جامع من الناصريه قرريسوي محاضره للعميان عنوانهه: نعمة البصر.
    135) سكران ضوّجته ذبانه، كمشها وشلع جناحاتها .... گللهه: دِدگيها مشي يبنت الكلب.
    136) جبان سمع صفارة الانذار، شرد.. گالوله: تره ديجربوهه گال: واني همينه دا اجرب الشرده.
    137) (شجر كلو فلفل، نهر كلو فلفل، حور عين كلو فلفل) ... شيخ جامع بالهند يوصفلهم الجنه.
    138) واحد احول ماشى بجنازة امه يصيح: آخ... ياويلي.. هم امي وهم خالتي.
    140) أحول تزوج على مرته... طلعت هيه نفسهه.
    141) واحد باك سياره.. راح يبيعهه انباگت منه.. گالوله: بيش بعتهه گال: بفلوسهه.
    142) خروف خانته نعجة، وگف تكسي ... گلله اقرب مطعم باچه... أخره بهيچ حياة .
    143) صرصر گاعد ويشتـّم بأهل تلكيف .. گالوله: ليش گال: ماظل واحد من العشيرة ماشفطوه.
    144) واحد غابت روحه صاحوا الناس: جيبوله مي .. گال: ماكو سفن؟
    145) جريده بالناصرية نشرت صورة واحد أعمى دا يعبر الشارع، كتبوا جواهه (متى تنتهي هذه الظاهرة؟)
    146) شيخ جامع ستوّه متخرج، گعد يخطب بجماعه: من عطس منكم عطسة ولم يتبعها بـ( الحمد لله) فهي باطلة.
    148) واحد متدين صاحبته گللتله: أهلي ماهُمّه بالبيت، تعال يمي.. گاللهه: إذا خايفة أقري المعوذتين.
    149) كردي ودة البغل للضريبة العامة.. شبعوه كتل...گال: والله عبالي الزريبة.
    150) مصلاوية محششه تحچي ويه نفسها: آني أحب آكل برغل هوايه بس ما أدري آكل برغل يحبني لو لا؟
    151) محشش گال للبگال: عندك جگاير كنت؟؟؟ گلله نعم.. گال: آني همينه.
    152) دليمي قرة بالجريده إنه بالصين كل دقيقه ينولد طفل.. گال: هذا التطور، خو مو مثلنه كل 9 أشهر.
    153) ثنين سكاره وگفهم شرطي المرور گال: شاربين؟؟ گالوا: لا.. گال: لعد ليش ثنيناتكم عيونكم حمر؟؟ گالوله: مو إحنه گرايب.
    154) سكران گال لصاحبة: عبد الله معزوم يمي اليوم، گلله: والله؟ گلله إحتمال همينه يجي.
    155) أحول يتحارش بوحده حوله گاللهه: اللي عاليمنه أحلى وحده.. ردت عليه : أما صدك إنتو جوگه مال أدبسزيه.
    156) محشش ضرب عمود ،إحولّ ...گام يسمع الواحد إثنين.
    157) دليمي مخيم بالصحراء، دخل عليه واحد بگلله: آني تعبان من الشمس.. گلله: تشرفنا ، وأني حمادي من الأرض.
    158) كردي سأل صاحبه: هيه مصر بعيده؟؟ گلله: ما أعتقد، لأن المصري اللي بصف محلي يوميه يجي عالبايسكل.
    159) كردي حزّر صاحبه، گلله: اذكرلي اسم حيوان برمائي.. گلله: تمساح.. گلله: بعد حيوان ثاني.. گلله: تمساح ثاني.
    160) طالب بدوي، گلله المعلم: إذكرلي اربع حيوانات.. گلله: چلب وتلث بعران إستاد.
    161) شاب دليمي، كامش بيده سيم وواگف براس الدربونه.. گالوله: ليش؟؟ گال حتى البنات تگول عني: شوفوا هذا ... شاب وسيم.
    162) دليمي رايح للحج وماخذ وياه دودة گال: سمعت إنه الحج أيام معدودة.
    163) واحد من المنصور أبوه هداله كتاب ديني.. رجع ورة إسبوع لگاه متحجب.
    164) سوداني سجل بمدرسة مسائي، كلما ينطفي الضوه يضحك.. حتى لايسجلوه غايب.
    165) واحد أفرار من الجيش گطعوله آذاناته، گام يكثر من أكل الجزر.. گالوله: ليش؟؟ گال: إذا ضعف نظري وين أعلگ النظارات؟
    166) واحد راح يخطب بنيه ، أبوهه سأله: إنته تدخن؟؟ گلله: لا، بس مرات من أسكر ويه البنات بگعدات القمار أجرلي چم جگارة حشيشه.
    167) بدويه بمحو الأميه.. گللتلهه المعلمه: أريد جملة فيها (إدغامٌ بـِغـُنـّة) گالتلهه :عمن يعميچ.
    168) واحد.. الفگر ثاوله.. ضحك للدنيه تفلت بوجهه.
    169) واحد يشتغل بالمعارض مال البياع، إجاه مولود گال للممرضه: الله عليچ لاتغسليه، خللي بترابه.
    170) أكراد زوّروا أبو العشرتالاف كشفوهم شلون؟ لأن كاتبين عليه: أم عشرة ألف.
    171) بإنفجار مقر الأمم المتحدة ببغداد راح كردي يدور على صديقه، فوگف يم واحد صيني متمدد عالسديه ويصيح (شن شان شو شي شا...) گال الكردي يمكن ديوصي خللي أكتب الوصيه... فلما مات الصيني أجوي يقرون الوصيه لگوا الترجمه تعني( ولك وخر رجلك عن صوندة الأوكسجين تره راح أختنگ وأموت).
    172) كردي راح يصلي بالصحن مالت النجف ، طبت جنازه، گال: إيه.. يمكن أجه العشة.
    173) واحد صعد بتكسي، گال للسايق: نادي الشباب من رخصتك گلله: متناديهم أنته ليش آني أشتغل عد الخلفوك؟
    174) دليمي نغمة موبايلة صوت فناجين، يگول موبيدي .. من زود المرجلة.
    175) وحده گلت لرجلهه: تره هذا الولد يأشرلي.. گلله لاتوكفيله .. دوسيلها.
    176) حرامي نجح إبنه، گلله: إبني شنو رايك بسيارة الجيران؟
    177) غنام، بليلة الدخله ما لگه موضوع يحچي بيه، گال للعروسه:ماعندج علم إذا أكو طليان للبيع منا؟ منا؟؟
    178) واحد بالمطار كمشوا عنده بودرة بيضه.. گالوله: شنو هذي هيرويين؟؟ گال: لا هذي جمرة خبيثة، الهيرويين هنا بهذا الجيب.
    179) أحول لگه فردة نعال گال: شلون صدفه؟ كلما ألگه زوج نعل يطلعن متشابهات.. ؟
    180) واحد طلگ مرته، راحت تلم هدومهه.. گلهه:أگول.. أشو مثل الچنچ زعلانه؟
    181) واحد تعارك ويه مرته، گطفهه من الشباك، وكعت بالشارع، شافهه فد سكران، گام باسهه.. هيه هم باسته.. السكران صفن... گال: عجيب، بعدهه تشتغل ليش ذابيهه؟
    182) واحد سمع المعلق يگول: فاول..فاول لصالح رونالدو.. گال شنو أسـلَمْ ؟ صاحبه گلله:لا ، أعتقد هذا إبنه من المصرية.
    183) الصوماليين رجعوا شاحنات المساعدات مال الأدويه للكويت.. گالوا شنسوي بيهه إذا كلهه ورا الأكل؟؟
    184) دليمي قدم على وظيفه گالوله: شنو شهادتك گال: ابتدائية، وأعرف واحد يدرس بالصناعة.
    185) وحده گلت لرجلهه: انته ليش إسلوبك ويايه حقير، گلهه على طاري الحقاره... شأخبار أهلچ؟
    186) كردي سألوه شنو رأيك بالزواج المبكر ؟ گال:والله كلما من غبشه أحسن.
    187) قاضي بالناصرية حكم على أحول يلظم أبر خياط مؤبد.
    188) واحد من المنصور دزه أبوه يشتري طلي، راح جاب واحد كلش ضعيف، گلله أبوه: بابا ليش جبته ضعيف؟ گلله بابا ماعليك بالجسم، شوف العيون!!
    189) مدرس سأل طالب كردي گلله :إبني شتصير من تكبر؟ گلله: شايب إستاد.
    190) واحد مالگه موضوع ، سأل صاحبه: أبوك الله يرحمه أشو من مات ليهسه ماسمعناله خبر؟
    191) ثنين سكارى، واحد منهم عثر گال: بسم الله.. الثاني گلله شلون تگول هيچي؟؟ إحنه مو كفار؟؟ گللـه: إي صدك.. لعد أستغفر الله.
    193) مصلاوي مات وخلف 24 ولد و 2650 دينار... لكوه كاتب بالوصية: إشتروا بيهن صندوق بيبسي وتقاسموه بيناتكم .
    194) دليمي گال لأبوه: يابه أريد أدرس برّه.. گال له: خللي أمك تفرشلك بالطرمة.
    195) دليمي اشتره لإبنه شبح، گال له: مشي بيهه حالك لما أحصللك لادا زينه.
    196) دليمي گال لمرته: اليوم أريد منّچ جو رومانسي . خابرت امها سألتهه: شنو رومانسي؟؟ گلتلهه: والله يمه ما أعرف، بس للإحتياط نگعي التمن وإسلگي اللحم.
    197) عشرة أكراد خطفوا طياره فارغه واتصلوا بالحكومه: إذا ماتنفذون مطالبنا تره كل ساعه نقتل واحد مننا.
    198) كردي عطس يم مصري ، ترس وجهه تفال، المصري گاله : أنته أرفتني، الكردي رد: والله ..يمكن أأرفك بس ناسيك؟
    199) واحد أبوه دجال، سأله المعلم: شنو أدوات النصب.؟ جاوبه: لحية وسبحه 101 إستاد.
    200) دليمي راح يحلل بوله، گالتله الممرضه: بولك سكر، جاوبهه: إنتي اللي خراچ عسل.
    201) كردي راح لطبيب أمراض زهرية.. گلله: دكتور... زهري يوجعني.
    202) كردي فاتته التاتا.... لحگهه بتكسي.
    203) گصاب مات.. شيعوه الچلاب.
    204) مدير نادي تأهيل المعوقين من الناصرية، أول ماتعين گاللهم: حضروا حالكم.. باچر عدكم سباق طفرموانع.
    205) واحد ديتعرف على بنيه.. گلهه تشربين؟ گالت: لا.. زين تدخنين؟.. هم لا ، عندچ علاقات؟ لا.. گال : معقوله ؟؟ گالت: ملليت من هالشغلات.
    206) واحد گال لصاحبه: تكتم السر؟؟ گلله: سرك اببير.. گلله: زين تداينني چم فلس؟.. گلله: شوف؟ ولا چني سمعت.
    208) وحدة إبنهه ضاع منهه بالسوگ، گامت تبجي.. گالولهه: إذا إبن حلال ميضيع.. گالت: ياويلي!! راح الولد.
    209) أبو معرض
    سيارات بالبياع..سألوه: منو أفضل المطربين بنظرك؟ گال : مايكل داتسون و مازدا الرومي.
    210) واحد سأل صاحبه. : شنو اخبار الوالد؟؟ بعدين تذكر انو والده ميت فكمل بسرعة: بعده بنفس المگبرة ؟؟
    211) كردي احترك محله ، گالوله : خو ماخسرت هواية؟؟ گال :لا.. الحمد لله چنت مسوي تنزيلات.
    212) واحد صادقله مخلوق فضائي، گلله: صدك الدقيقة عدكم بمليون سنه عدنه؟؟ گلله أي، گلله: زين وصدك الدينار عدكم بمليون عدنه؟؟ گلله: هم أي.. گلله: زين ماتنطيني فد دينار.. گلله: انتظر فد دقيقة.
    213) حشاش راح للبنزينخانه گللهم: أريد قنينة غاز.. گالوله: روح جيب وحده فارغة.. گال:لا ..أشربهه هنانه.
    214) طنطا بالصحراء يندعي: يا إلهي اريد مي، حته لو قطره،هناك نزلت عليه قطره گام بلل بيهه گذلته .
    215) نعجه بالسجن سألوها: ها؟ همينه دعاره؟ گالت: لا ...هالمرة كمشوا عندي حشيش.
    217) كردي سألوه شتحب اتصير بالمستقبل گال: خبير روسي.
    218) سكران وگع من الطابق العاشر گام يندعي: يا إلهي آخر مره.. يا إلهي آخر مرة، وگع على كومة قش، گام گال: صدك السكران تجي براسه شغلات.
    219) كردي مات أبوه گال للدفان: بيش أرخص گبر؟؟ گلله: بالميت تسعين ألف.. گلله : زين وإذا الميت من عدنه؟
    220) كردي راح للدكتور گلله: دكتور عندي مغص قوي.. گلله الدكتور: طيب إنته ماكل شي ؟ گلله: شنو دكتور قابل أريد أجربك؟
    221) مصلاوي گال لولده: اللي مايتعشه اليوم انطيه ألف.. گاموا كلهم ماتعشوا وأخذوا ألف ألف... بالليل گام باك فوسهم ، الصبح گاللهم: اللي مضيع الألف مالته ميتريگ اليوم .
    222) دليمي راد يطور الموبايل گآم حط بدال الدگم سحابه.
    223) واحد ناصرية جبروه يتبرع بربع راتبه لدعم الانتفاضة، گام تبرع بالباقي لأسرائيل.
    225) سكران عثر ووگع، گالوله جماعته : همزين إجت سلامات.. گال: شجابهه بهالليل يم السكاره؟
    226) ياباني بالسماوة.. راح يشتري عشر قواطي كولا، گال لأبو المحل : توكو هاتاهو توياكا كولا.. گلله ابو المحل: عشر قواطي شنو؟؟؟؟
    227) ناصريه شاف واحد يصيح: راح أغرك الحگلي يمعود ... گاله: أخي هذا يومك وهذي إرادة رب العالمين... تعذرني.
    228) دكتورگال لمريض: مع الأسف ماباقيلك غير عشرة وتموت.. گاله المريض: عشرة شنو؟؟ أيام.. أسابيع شهور ؟؟ رد عليه الطبيب : تسعه....ثمانية.... سبعة.....
    229) كنغر سأل مرته: وين الولد؟ گالتله هذا بجيبي.. گالهه لا والله جديات..مو وكت شقه، وينه؟
    230) عتوي لحگ بزونه ، شردت منه فسحگتهه سيارة.. إجه يم راسهه گاللهه: هسه خللي شرفچ يفيدج.
    231) واحد سأل صاحبة: گللي البواسير بالسين لو بالصاد؟.. گلله: لاياغبي بالطيز.
    233) واحد راح للشيخ يسأله، گلله: شيخنا ..عندي جن بالبيت شسويله؟ گلله حطله عصير ليمون وإندعيلي.
    234) سألوا واحد: شلونك ويه رمضان هالسنه؟ گال: والله لوما الوضوء چان متنه من العطش.
    235) سكير صلى العصر ركعتين گالوله: تره العصر اربعه.. گال: أعرف بس جاي أخفف لأن ناوي أترك .
    237) سوداني راح يشتري جگاير، گال لأبو المحل: كنت أبيض... گلله أبو المحل: لو تحلفلي بمية يمين هم ماصدگك.
    238) سكير سأل شيخ جامع، گلله: صحيح الصلاة ماتصير إذا الواحد شارب؟ گلله: طبعا.. گلله: شنو رأيك سويتها وصارت؟
    240) كردي سوري گل لمرته الدليمية : بدي (أصير) جوز هند.. گللتله: لازم تطلكني يالله... گام طللكهه وشرب العصير.
    241) واحد راح يشتري ستلايت گال لابو المحل: ماعندي فلوس ، توافق إذا انطيك بدال الستلايت موبايلي ؟؟.. أبو المحل وافق.. گام صاحبنه گلله: إكتب يمك صفر سبعة تسعه مكرر واحد مكرر سبعة.
    242) أخطبوط يبچي.. گالوله ليش ؟ گال لأن ما أندل إيديّه من رجليّه.
    244) لبناني تزوج كردية: گاللهه: صحيني بكير وقليلي بيضتين... هيه همينه الصبح گللتله: إكعد... بيضتين.
    245) محشش سألوه: بيش الساعه؟ گال:هاه؟ كالوله: بيش الساعه؟ گال: آها.
    246) دليمي وده إبنه لمدرسة المتميزين، گللهم جبتله لعبة مكتوب عليهه 3 إلى 9 سنوات بس هوه ماشاء الله حلهه بسبع تشهر.
    247) ثنين هنود حمر گاعدين عالجبل يتناقشون، الاول گال: والله الأمريكان يسمون أسماء غريبه.. جورج .. باتريك .. جون؟؟ الثاني گلله: كلامك مضبوط ياعزيزي (طيز الدب).
    249)
    avatar
    first virus
    رئيس قسم منتديات الالعاب والتقنيه
    رئيس قسم منتديات الالعاب والتقنيه

    عدد الرسائل : 480
    العمر : 34
    اوسمه التمييز :
    تاريخ التسجيل : 29/08/2008

    رد: هذي نكات عجيب!!!!!!!!!!!!!!!!!!

    مُساهمة من طرف first virus في الأربعاء سبتمبر 17, 2008 7:05 pm

    ههههههههههه
    الظاهر انك تعبت بجمع هذي النكت
    وتريد تعبنا بقرايتها راح أكمل بغير يوم
    شكرا عالموضوع الطريف


    _________________




    avatar
    عاشقة الساهرR
    رئيسه قسم المنتديات الرئيسه وقسم الساهر
    رئيسه قسم المنتديات الرئيسه وقسم الساهر

    عدد الرسائل : 533
    العمر : 26
    اوسمه التمييز :
    تاريخ التسجيل : 26/08/2008

    رد: هذي نكات عجيب!!!!!!!!!!!!!!!!!!

    مُساهمة من طرف عاشقة الساهرR في الخميس سبتمبر 18, 2008 6:57 pm

    ههههههههههههـ
    والله بطل جامع 247 نكته
    مشكور على النكت
    avatar
    وليد داتا
    رئيس قسم منتديات الموبايل العام
    رئيس قسم منتديات الموبايل العام

    عدد الرسائل : 280
    العمل/الترفيه : اسكرب وفلش موبايلات
    المزاج : طاكه روحي
    اوسمه التمييز :
    تاريخ التسجيل : 05/09/2008

    رد: هذي نكات عجيب!!!!!!!!!!!!!!!!!!

    مُساهمة من طرف وليد داتا في السبت سبتمبر 20, 2008 10:14 am

    هههههههههههههههههههه

      الوقت/التاريخ الآن هو السبت يوليو 22, 2017 2:54 pm