منتديات عامه>>> سياسيه..علميه...العاب..اخرى...أهلا بك يا زائر فى منتديات زعومي,,


    الى كل المغتربين

    شاطر
    avatar
    عاشق عراقي
    رئيس قسم المنتديات الاجتماعيه
    رئيس قسم المنتديات الاجتماعيه

    عدد الرسائل : 479
    العمر : 28
    العمل/الترفيه : كاعد ع النت
    المزاج : حسب الطلب
    اوسمه التمييز :
    تاريخ التسجيل : 25/08/2008

    الى كل المغتربين

    مُساهمة من طرف عاشق عراقي في السبت سبتمبر 06, 2008 11:02 pm

    بعد ما ريد فيزه ولا لجوء انـسان ............ .. عمت عين الاقامه الدنست صـيتي
    واشكر كل صديق وكل خوي وكل جار ............ .. قـفل بابه ورفض يـقبل عراقيتي
    خلف الله عليكم والوكـت دولاب ............ .. لا بد يوم يـنزل بيكم ارضيتي
    لان اول امس كل البشر خـدام ............ .. جانوا للـعراق واكلـوا ابيتـي
    جان الضيف عندي مكرم ومهـيوب ............ .. فوگ الراس اشـيله وهاي تربيتي
    ما داعي اسولف وانه ابو النـهرين ............ .. ياهو الـما سمع اخـبار حنيتي
    بعد بصـمات اديهم والطبع موجود ............ .. من جانوا جياع بوسط صيـنيتي
    يـا دنـيه حرام ومـنكر ومـكروه ............ .. اذا ابـن الـعراق الـيوم وطيتي
    معـقوله نسيتي اسم الـعراق بساع ............ .. لـو مثل الـبشر همّن تـناسيتي
    مـيفيد الحچي ولا تـنفع الـچـلـمات ............ ... راجع يا وطن لترابـك الزيـتي
    راجـع يـا حـبـيبة گـلبي يـا بغداد ............. .. وادرى بكـثر ما ونـيت ونيـتي
    وادري لوحّدج عفناج صار سنين ............. .. وادرى من الحزن تابوت سويتي
    جيب الاغتراب وحـطه بالـتابوت ............. .. يا غربه الـعراق شكثر اذيتي
    ما اعيـش ابّحر مالح طـعم يا ناس ............. .. انه بسجن الـفرات وفقط حريتي
    وترابي ذهـب والگاع من ياقـوت ............. .. ومن ثوب الكرامه البسهه بيريتي
    واذا گالوا لترجع والوضع مو زين ............. .. اگول اني الوضع والزين تاليـتي
    وميهمني بعد ليصير خلي يصير ............. .. طعم الموت اشرف من هجر بيتي
    أموت بوسط خوتي ويا حلاة الموت ............. .. من اجمع اهلـنه واكتب وصيتي
    وصيتي لو متت لتچفنوني چفان ............ ... لفوني بعلمنه وهاي امـنيتي
    واذا تردون اليه بهالگبر ارتاح ............ .. امانة الله دفنوا وياي جنسيتي


    _________________
    avatar
    souraen
    زعيم مبتدىء
    زعيم مبتدىء

    عدد الرسائل : 11
    تاريخ التسجيل : 14/09/2008

    رد: الى كل المغتربين

    مُساهمة من طرف souraen في الأحد سبتمبر 14, 2008 2:23 pm

    حلوه هاي القصيده,بس المن؟لان قريتهه بغير موقع وعلى ما اتذكر ماجان اكو اسم عليهه.
    avatar
    سنفورة بغداد
    مشرفه منتدى الصور
    مشرفه منتدى الصور

    عدد الرسائل : 156
    العمر : 24
    العمل/الترفيه : راسبة 10 سنوات وبعدني طالبة
    المزاج : مطنكرة 24 ساعة
    تاريخ التسجيل : 12/09/2008

    رد: الى كل المغتربين

    مُساهمة من طرف سنفورة بغداد في الثلاثاء سبتمبر 23, 2008 8:11 pm

    حلوة كلش
    عاشت الايادي


    _________________

      الوقت/التاريخ الآن هو السبت مايو 26, 2018 6:15 am